O‘zbekiston Respublikasi Konstitutsiyasi qabul qilinganining 25 yilligi arafasida Sirdaryo viloyati Guliston shahrida barpo etilgan beshta 5 qavatli uy foydalanishga topshirildi.

Konstitutsiyamiz qabul qilinganining 25 yilligi arafasida Asakadagi «GM Uzbekistan» aksiyadorlik jamiyatida O‘zbekiston Respublikasining Birinchi Prezidenti, mamlakatimiz avtomobilsozlik sanoati asoschisi Islom Karimovning yodgorlik majmuasi ochildi.

2018 yil 1 yanvardan UzCard banklararo to‘lov tizimi tomonidan «DUET» kartalar orqali pul o‘tkazmalari to‘xtatiladi.

1 dekabr. Vazirlar Mahkamasining «O‘zbekiston Badiiy akademiyasi faoliyatini takomillashtirish to‘g‘risida»gi qarori e`lon qilindi.

O‘zbekiston Respublikasi Prezidenti Shavkat Mirziyoyev raisligida 15 noyabr kuni mamlakatimizda huquqbuzarliklar profilaktikasi va jinoyatchilikka qarshi kurashish borasida belgilangan vazifalar ijrosi, bu borada mavjud muammolar va ularni hal etish masalalariga bag‘ishlangan videoselektor yig‘ilishi o‘tkazildi.

Jasorat unutilmaydi

  • 1467
  • 1467
Jamiyat
Avgust17/ 2016

Ona yurt tinchligi, osoyishtaligi yo’lida xizmat qilish, kerak bo’lsa, jonni fido etish eng sharafli ishdir. Tinchlik uchun ko’ksini qalqon qilgan bunday mard o’g’lonlar, ularning jasorati hech qachon unutilmaydi va qalblarda mangu yashaydi.

Ichki ishlar vazirligi tomonidan “Istiqlol” san`at saroyida “Dillarda Vatan madhi” deb nomlangan konsert dasturida ichki ishlar tizimida xizmat qilib, elu yurt osoyishtaligi yo’lida jon fido etgan jasur xodimlar xotirasi yodga olindi, ularning oila a`zolariga hurmat-ehtirom ko’rsatildi.

Har yili an`anaviy tarzda o’tkazib kelinayotgan mazkur xayriya tadbiridan ko’zlangan maqsad mustaqillik yillarida xizmat burchini bajarish chog’ida halok bo’lganlarning oila a`zolari va faxriylarni moddiy hamda ma`naviy qo’llab-quvvatlashdan iboratdir.

IIV madaniyat saroyi qo’shiq va raqs ansambli muntazam ravishda respublikamizning barcha viloyatlari, chekka va chegara hududlarida mana shunday xayriya konsertlarini o’tkazib keladi. Joriy yilning aprel-may oylarida esa 300 dan ortiq shunday xayriya konserti namoyish etildi.

– O’g’lim Ergashev Bahromjon yong’in xavfsizligi xizmatida ishlardi, – deydi tadbir ishtirokchilaridan biri Nasiba Ergasheva. – 2014 yil 8 oktyabr kuni xalq mulki va fuqarolar hayotini o’t balosidan asrash jarayonida xizmat burchini bajarayotib halok bo’ldi. Farzandimdan ajralganim yuragimni iztirobga solsa-da, o’g’limning umri behuda ketmagani qalbimga tasalli beradi. Prezidentimizning Farmoniga muvofiq, o’tgan yili o’g’lim “Mardlik” ordeni bilan taqdirlandi. Farzandimning kasbdoshlari va do’stlari doimo bizni yo’qlab turadi. Shunda o’g’limni ko’rgandek bo’laman. Bugungi xayriya konsertida ham bizga va biz kabi xizmat burchini bajarish chog’ida halok bo’lgan xodimlarning oila a`zolariga ko’rsatilgan e`tibordan mamnunmiz.

Xayriya tadbirida Ichki ishlar vazirligi madaniyat saroyi qo’shiq va raqs ansambli ijrochilari, yosh iste`dodli xonandalar kuy-qo’shiqlar ijro etdi.

Zikrillo NYE`MATOV,

Ichki ishlar vazirligi Inson huquqlarini himoya qilish va yuridik ta`minlash boshqarmasi bo’lim boshlig’i

Teglar:

Foydali havolalar